keshilla_per_fizik_te_bukur

Këshilla për një fizik me muskuj të definuar

Ushtrime për definim muskolar. Këshilla dhe model trajnimi për definimin e muskujve. Si të punojmë me stërvitje për të djegur yndyrën nën lëkurë që mbulon dhe fsheh muskujt për të cilët ju keni punuar kaq shumë gjatë sezonit të dimrit. Një fizik mund të jetë muskuloz sa të doni, por nëse nuk ka atë që “bodybuilders” e quajnë definicioni muskular, rezultati nuk është ai që ne dëshirojmë. Mjaftojnë vetëm disa milimentra yndyrë e tepërt në trupin tuaj për të fshehur muskuj dinjitoz dhe të punuar mirë, duke penalizuar kështu punën e disa muajve palestër dhe duke bërë që muskuli të jetë në vëndin e vet por të mos duket. Një nga pytjet që dëgjojmë më shpesh është: “Si mund ta rregulloj trajnimin tim për të pasur një definim muskular më të mirë?” Përgjigjen e gjeni në paragrafët më poshtë.

Trajnim për definimin e muskujve. Parimet që duhen ndjekur për të përmirësuar definimin e muskujve, në qoftë se ju trajnoheni në palestër, janë thelbësore tre parime:

1) Të shtojmë trajnimin aerobik në programin tuaj. Të paktën tre ose katër seanca aerobike në javë për 30/40 minuta. Për aerobi do të thotë edhe ecje e shpejtë në tapirulan ose me hap më të ngadaltë, ose biçikletë stërvitje, ose më mirë akoma, me rotacion çdo herë një ushtrim të ndryshëm për trajnim aerobie. Puna aerobike mund të kryhet para apo pas trajnimit peshë. Ekspertët këshillojnë për ta bërë seancën aerobike pas trajnimit peshë, unë personalisht e bëj para me rezultate janë të mira njësoj, kështu që bëni si të ju pëlqen, mjafton që ju të punoni seriozisht. Në lidhje me intensitetin. Për të djegur yndyrë ju nuk keni nevojë të punoni me ushtrime të vështirë, përkundrazi. Ajo që ka rëndësi është kohëzgjatja,
normalisht pa e tepruar. Nëse ju mendoni se po ushtroni me shumë intensitet, uleni nivelin e vështirësisë.

2) Zbritja e peshave, rritja e serive, pakësimi i pushimit midis serive. Nuk ka shumë për të shpjeguar mbi këtë pikë, titulli është shumë i qartë në atë që thotë. Shtoni përsëritjet deri në 12 apo 15 herë për secilën seri, mbani një ritëm të mirë në ekzekutimin e ushtrimeve, dhe sa më pak pushim midis njërës seri dhe tjetrës që vijon.

3) Ushqimi. Është e qartë se duhet ti kushtoni shumë vëmëndje ushqimit. Pra, kujdes nga ushqimet yndyrore, të kujdesshëm për të mos ngrënë makarona shumë ose bukë (por mos eliminoni karbohidratet nga ushqimi), dhe ushqimi juaj i preferuar duhet të jetë i pasur me proteina, natyrisht përveç sallatës së bollshme në mënyrë të shëndetshme gjatë verës. Kjo është e gjitha. Nëse keni punuar mirë gjatë muajve të mëparshëm, kjo është koha për të korrur përfitimet, tonifikim i muskujve, heqim
shtresat e yndyrës nën lëkurë,dhe gati për tu admiruar nga vajzat. Vetëm disa javë për të parë rezultatet. Punë të mbarë.